Opin námskeið í listkennsludeild Listaháskóla Íslands

by stjornin | 14.08.2015 | FRÉTTIR

Góðan dag,

Links:
——
[1] http://lhi.is/namid/listkennsla/opin-namskeid/namskeid/
[2] http://lhi.is/namid/listkennsla/opin-namskeid/umsokn/
[3] http://lhi.is/namid/listkennsla/opin-namskeid/verdskra/?edit-off
[4] http://www.lhi.is/

Fréttabréf Flíss júní 2015

by stjornin | 03.08.2015 | FRÉTTIR

FRÉTTABRÉF FLISS – Júní 2015

Hugleiðingar formanns Á þessu ári eru tíu ár síðan FLISS var stofnað. Eins og við vitum var félagið stofnað af metnaðarfullum kennurum sem með elju sinni komu því í gegn að nú er leiklist sjálfstætt fag í aðalnámskrá grunnskóla og ávallt fleiri framhaldsskólar bjóða upp á leiklist sem valfag. Í vetur sendum við út óformlega könnun á félagsmenn til að kanna m.a. hvernig staðan væri í leiklistarkennslu í skólum landsins. 34 félagsmenn eða 34,7% félagsmanna svöruðu könnuninni sem gerir hana ekki marktæka en gefur okkur engu að síður vísbendingu um stöðu leiklistarkennslunnar. Niðurstöðurnar sýna að þrátt fyrir að mikið hafi áunnist þá er mikið verk fyrir höndum. Við þurfum að festa leiklistina í sessi, allt of fáir skólar bjóða upp á leiklist sem sjálfstætt fag innan síns skóla og allt of fáir leiklistarkennarar sem útskrifast með kennsluréttindi í leiklist eða leiklist í kjarna skila sér inn í skólana sem leiklistarkennarar. Þessu þurfum við að breyta og á það munum við leggja áherslu á á komandi árum. Á þingi KÍ í apríl 2014 var samþykkt ályktun þar sem stjórn KÍ, skólamálráði og skólanefndum aðildarfélaga KÍ var falið að finna leiðir til að efla og auka vægi list-og verkgreina í öllu menntakerfinu. Nú hefur verið stofnuð nefnd þar sem kennarar list-og verkgreina á öllum skólastigum ásamt fulltrúum skólastjórnenda og KÍ hafa komið saman til að ráða ráðum sínum hvernig hægt sé að koma að þessu verkefni. Við bindum miklar vonir við þessa nefnd sem nýtekin er til starfa og horfum jákvæð fram á veginn. Ekki er þó hægt að velta fyrir sér stöðu list-og verkgreina, sér í lagi í grunnskólanum, án þess að koma að launamálum þeirra. Í síðustu samningum grunnskólakennara var niðurstaðan sú að list-og verkgreinakennarar flokkast nú tveimur launaflokkum neðar en aðrir kennarar sem er algjörlega óásættanlegt og verður að leiðréttast. Formenn þessara félaga hafa fundað stíft undanfarið og setið fundi með ýmsum hópum innan KÍ til að ræða þessi mál. Við vonum að þessi mismunum verði leiðrétt í næstu samningum enda höfum við nú vinnumatið til að meta álag á kennara og auðvelt ætti því að vera að umbuna samkvæmt því. Leiklistin er ung fag innan skólakerfisins. Við sem fagfólk þurfum að vera vakandi um hennar hag og standa vörð um hana. Við þurfum að rýna til gagns, skoða hvernig við menntum kennarana okkur, hvernig við kennum og hvernig við viljum að fagið okkar þroskist og dafni sem sjálfstætt fag innan menntakerfisins. Við sem félagar í FLISS erum mikilvægur þáttur í þeirri vegferð þar sem við getum átt faglegar samræður og eflt þannig hvort annað í starfi. Njótið sumarsins og farið vel með ykkur.

Sumarkveðja  Jóna Guðrún Jónsdóttir, formaður FLISS

FRÉTTABRÉF FLISS – Júní 2015

Heimasíða FLISS. Nú er heimasíða FLISS komin í loftið, þó ekki formlega, en þið getið komist inn á síðuna til að skoða fréttir og annað. Ef þið eruð með eitthvað efni s.s. kennsluefni, myndir, greinar eða annað sem þið viljið setja á síðuna þá endilega sendið okkur þær upplýsingar á fliss@fliss.is Því virkari sem félagsmenn eru því betri heimasíða. Heimasíðan mun verða opnuð formlega á málþingi félagsins í haust í tilefni að tíu ára afmæli félagsins. Afmæli FLISS – Málþing að hausti Í tilefni af 10 ára afmæli FLISS stefnum við á að halda málþing um stöðu leiklistarkennslunnar á öllu skólastigum, meta það sem hefur áunnist og horfa til framtíðar. Málþingið mun verða auglýst nánar þegar nær dregur. Ef þið viljið leggja eitthvað til málanna varðandi málþingið þá endilega skrifið okkur línu á fliss@fliss.is Vinnusmiðjur 2014-2015 Nokkrar vinnusmiðjur voru haldnar á skólaárinu ýmist á vegum FLISS eða í samvinnu við aðrar menntastofnanir. Námskeiðin tókust öll mjög vel, þátttakan yfirleitt góð og þátttakendur mjög ánægðir. Stefna stjórnar er sú að vera í góðri samvinnu við aðrar menntastofnanir varðandi námskeið á komandi árum. Endilega sendið hugmyndir að námskeiðum á fliss@fliss.is svo við getum komið til móts við óskir ykkar  Könnun meðal félaga FLISS
Gerð var könnun meðal félagsmann fyrr í vetur þar sem kannað var m.a. hversu margir væru að kenna leiklist, hverjar væntingar félagsmanna væru til félagsins o.s.frv. Svörunin var 34,7% sem er ekki stórt hlutfall og ekki marktækt en svörin gefa vissar vísbendingar sem stjórn félagsins getur unnið út frá. Við þökkum þeim sem tóku þátt kærlega fyrir þátttökuna. Niðurstöður könnunarinnar eru aðgengilegar á heimsíðu félagsins. fliss.is

Félagsgjöld FLISS 2014 – 2015
Í desember sl. voru sendir út gíróseðlar fyrir félagsgjöldum. Gjaldið hjá okkur er í samræmi við önnur fagfélög innan KÍ ef ekki aðeins lægra og hefur haldist óbreytt frá fyrra ári. Við biðjum við ykkur endilega að kíkja í heimabankann og greiða seðilinn sem fyrst. Þó að öll vinna stjórnar og nefnda sé í sjálfboðavinnu þá kostar sitt að reka félagið t.d. halda námskeið til að efla endurmenntun félagsmanna o.s.frv. Við þökkum þeim félagsmönnum sem nú þegar hafa greitt félagsgjaldið.
Gleðilegt sumar!

Fréttabréf Flíss mars 2015

by stjornin | 03.08.2015 | FRÉTTIR

FRÉTTABRÉF FLISS – MARS 2015
Námskeið FLISS
Námskeið haustannar gengu mjög vel og voru þau vel sótt enda mjög áhugaverð og spennandi. Á vorönn hefur þegar eitt námskeið verið haldið. Kennari var Þórey Sigþórsdóttir leikkona og raddþjálfi. Gaman hefði verið að sjá fleiri félagsmenn en námskeiðið var mjög áhugavert og þátttakendur fóru heim með áhugaverðar hugmyndir sem hægt er að nýta í skólastofunni. Í apríl stefnum við á að hafa námskeið í leikhússpuna en það verður auglýst nánar þegar nær dregur. Einnig minnum við á hin ýmsu námskeið í LHÍ sem mörg eru mjög áhugaverð og geta nýst okkur kennurum vel í skólastofunni.
Heimsíða FLISS
Nú er verið að uppfæra heimsíðu félagsins. Til stendur að opna hana formlega í lok apríl en við fengum Helgu Óskarsdóttur til liðs við okkur við endurhönnun síðunnar auk þess sem Helga Gerður Magnúsdóttir endurhannaði lógóið okkar. Síðan verður tvíþætt, annarsvegar verða upplýsingar sem eru öllum opin og hins vegar lokað svæði fyrir félagsmenn þar sem þeir geta fundið námsefni og aðrar upplýsingar sem nýtast þeim. Við erum nú í óða önn að taka saman efni á nýju síðuna .
Samningamál
Þetta skólaár hefur litast mikið af kjarasamningum kennara þar sem list og verkgreinakennarar bæði á grunn og framhaldsskólastigi hafa reynt að láta í sér heyra varðandi stöðu sína. Grunnskólakennarar samþykktu sína samninga nú á dögunum en framhaldsskólakennarar munu nú væntanlega setjast aftur að samningaborðinu þar sem þeir felldu vinnumatið í sínum samningum. Stjórnarmeðlimir hafa setið marga fundi í vetur vegna samningamála.

Afmælisár FLISS
Í haust fagnar FLISS 10 ára afmæli og því ber að fagna. Nú þegar eru komnar fram hugmyndir um hvernig við ættum að minnast þessara tímamóta en endilega ef þið liggið á hugmyndum þá sendið okkur línu. Allar hugmyndir eru vel þegnar.
Félagsgjöld FLISS 2014 – 2015
Í desember sl. voru sendir út gíróseðlar fyrir félagsgjöldum. Gjaldið er óbreytt frá fyrra ári og biðjum við ykkur endilega að kíkja í heimabankann og greiða seðilinn sem fyrst. Þó að öll vinna stjórnar og nefnda sé í sjálfboðavinnu þá kostar sitt að reka félagið, halda námskeið til að efla endurmenntun félagsmanna o.s.frv. Við þökkum þeim félagsmönnum sem nú þegar hafa greitt félagsgjaldið.
Könnun FLISS
Á næstu dögum munum við senda út könnun til félagsmanna. Við vonum að þið bregðist vel við en okkur langar m.a. til að kanna hversu margir af félagsmönnum eru að kenna leiklist eða nota leiklist í sinni kennslu, auk þess að kanna hug ykkar til félagsins. Því meira sem við vitum um ykkar þarfir því öflugra verður starfið.
Facebooksíða FLISS
Við erum með facebook-hóp þar sem margir hafa gerst meðlimir en það eflir þennan vettvang að hafa sem flesta í hópnum. Endilega skráið ykkur. Slóðin er https://www.facebook.com/groups/127734169905/
Hlýjar kveðjur,
f.h. stjórnar,
Jóna Guðrún Jónsdóttir,
formaður FLISS