Það er mikið rætt um umhverfismál þessa dagana og það er eitt af því sem við eigum að vera að leggja áherslu á í skólastarfi.
Þann 29.ágúst næstkomandi bíður FLÍSS (Félag um leiklist í skólastarfi) upp á mjög áhugaverða vinnusmiðju um náttúru- og umhverfismál með áherslu á sjálfbærni.
Vinnusmiðjan verður kl. 19:30 í Hagaskóla og kostar aðeins 3000kr, en félagar í FLÍSS þurfa ekki að greiða fyrir hana.
Þið skráið ykkur með því að senda póst á fliss@fliss.is
Frekari upplýsingar:
Ruslaskrímslið, er það komið til að vera?
Unnið verður með aðferðum leiklistar en markmið verkefnisins er að efla umhverfisvitund meðal grunnskólanema Hlutverk kennara er að búa til aðstæður þar sem nemendur fá tækifæri til að skapa, túlka og tjá eigin hugmyndir og annarra.
Ruslaskrímslið, er það komið til að vera? er heildrænt leikferli sem Ása Helga Ragnarsdóttir og Rannveig Björk Þorkelsdóttir hafa samið með það í huga að efla þekkingu nemenda á náttúru- og umhverfisvernd með áherslu á sjálfbærni. Eitt af markmiðum umhverfismenntar er að efla umhverfisvitund fólks og er skilgreint með því að segja að í því felist umhyggja fyrir umhverfi sínu og hæfileiki til að greina samhengi mannlegra athafna og náttúru.
Með ólíkum aðferðum leiklistar er unnið með umhverfisvernd og sjálfbærni, nemendur hitta ruslaskrímsli, þeir reyna að losna við skrímslið á sinn hátt og finna sínar eigin lausnir á umhverfismálum. Þeir taka á sig ábyrgð og leita lausna á vandamálum sem upp koma út frá þekkingaröflun og eigin reynsluheimi.
Vinnusmiðjan hentar öllum kennurum sem hafa áhuga á umhverfismennt alls ekki bara þeim sem eru vanir að vinna með leiklist. Við hvetjum ykkur sérstaklega til þess að fara út fyrir þægindarammann og prófa nýjar leiðir í kennslu
FLÍSS kynnir … einstaka vinnusmiðju með leiklistarkennaranumTim Taylor
Höfundar bókarinnar „A
beguinners guide to The Mantle of the expert“ á íslensku: Sérfræðingskápan
Kennsluaðferðin hefur slegið í
gegn bæði hjá kennurum og nemendum
og reynir á sjálfstæð vinnubrögð
og virkni nemenda í eigin námi.
Bók hans hefur farið sigurför um
heiminn og hefur reynst vel til að virkja nemendur í alls kyns vinnu.
Tim er með 25 ára reynslu af
kennslu víða um heim.
Laugardaginn
16. febrúar
Hagaskóla
Kl.
09:00 – 16:00
Kostar
aðeins 5000 krónur og greiðist inn á
513-26-620506
Kt. 620506-1250
Vinnusmiðjan nýtist öllum
starfandi kennurum, sérstaklega á mið- og unglingastigi grunnskóla
sérfræðingskápan er sérstaklega
vel til þess fallin að nota í auknum mæli í skólastarfi en erlendar rannsóknir
á notkun aðferðarinnar benda til að hún stuðli m.a. að auknum áhuga og ánægju
nemenda í skólastarfi
ekki bara leiklistarkennurum heldur öllum
kennurum
Vinnusmiðja
sem enginn ætti að láta fram hjá sér fara
Í gær var aðalfundurinn haldinn og var fámennt en góðmennt. Félagsmenn höfðu frá mörgu að segja er varðar erlent samstarf, ráðstefnur og vinnusmiðjur. Stjórnin heldur sér óbreytt næsta ár og kosið verður um nýja stjórn á næsta aðalfundi
Aðalfundur FLISS verður haldinn fimmtudaginn 22.nóvember. nk. kl. 20.00 að
Lindargötu 6 (í FIL húsinu).
Að loknum almennum aðalfundastörfum fáum við kynningar frá nokkrum félögum í FLÍSS sem hafa farið á ráðstefnur eða fundi erlendis á síðustu mánuðum t.d. í Nýja Sjálandi og Svíþjóð.
Á fundinum verður boðið upp á drykki og léttar veitingar og við vonum innilega að sem flestir mæti og eigi með okkur skemmtilega kvöldstund.
